Озак вакытлы карау системасы кысаларындагы чараларны гамәлгә ашыру актив дәвам итә
Казанның Совет районындагы өйдә социаль хезмәт күрсәтү бүлегенең социаль хезмәткәрләре Тернәкләндерү һәм карау мәктәбендә дәресләр үткәрә. Мәктәп озак вакытлы карау системасы кысаларында эшли, ул «Гаилә» милли проектының «Өлкән буын» федераль проекты буенча гамәлгә ашырыла.
Дәресләргә өлкән яшьтәге гражданнарның һәм озак вакытлы карау системасы белән тәэмин ителгән инвалидларның туганнары, шулай ук карау белән шөгыльләнүче социаль хезмәткәрләр йөри.
«Старость в радость» хәйрия фондында «Тәрбия мәктәбе эшен оештыру үзенчәлекләре» программасы буенча уку узган социаль эш буенча белгеч Рәхилә Низаметдинова катнашучылар белән мөмкинлекләре чикләнгән кешеләрне кулдан күчерүнең һәм техник тернәкләндерү чараларын куллануның төп моментларын карады. Практикага аерым игътибар бирелде. Һәр катнашучы тәрбияче ролендә дә, тәрбияләнүче ролендә дә була алды.
Тернәкләндерү һәм карау мәктәбе дәресләре аз хәрәкәтләнүче гражданнарны карау белән шөгыльләнүче затларга мәгълүмат, консультация бирү һәм өйрәтүгә генә түгел, ә аларга психологик ярдәм күрсәтүгә дә юнәлдерелгән.