«Кояшлы» тернәкләндерү үзәге «Беренчеләр хәрәкәте»нең грант конкурсында җиңүче булды
«Беренчеләр хәрәкәте»нең федераль грант конкурсына йомгак ясалды. 2025 елда илнең 89 төбәгеннән 5 567 гариза теркәлгән. Конкурс йомгаклары буенча 513 проектка грант ярдәме алган.
Җиңүчеләрнең берсе – «Без беренче – без бергә» балалар һәм яшьләр өчен җәйге адаптив интенсивы» проекты белән Казанның «Кояшлы» мөмкинлекләре чикләнгән балалар һәм яшүсмерләр өчен тернәкләндерү үзәге.
Грант ярдәмендә 2025 елның 10 маеннан 1 октябренә кадәр махсус ихтыяҗлары булган балалар өчен алты интенсив смена үткәрү планлаштырыла. Программа физик күнегүләр, иҗади мастер-класслар һәм башка бик күп чараларны үз эченә ала. Интенсивның ахыры йомгаклау концертлары булачак, аларда катнашучыларның адаптация процессындагы казанышлары тәкъдим ителәчәк.
«Без беренче – без бергә» балалар һәм яшьләр өчен җәйге адаптив интенсивы» проекты сәламәтлеге мөмкинлекләре чикләнгән балаларга ярдәм итүгә һәм аларны үстерүгә юнәлдерелгән.