Файдалы каникуллар

2025 елның 1 апреле, сишәмбе

Ютазы районы иреклеләре махсус хәрби операция уздыру зонасында сугышчыларга кирәк булган маскировка челтәрләре, окоп шәмнәре ясау өчен төркемнәргә берләштеләр.

Маскировка челтәрләре сугышчыларны, коралларны, хәрби техниканы һәм башка мөһим объектларны маскировкалау өчен киң кулланыла. Мондый әйбер туры мәгънәсендә гомерне саклап кала ала. Ватандашлардан солдатларга ярдәм даими рәвештә килә, яшь волонтерлар, Ютазы районының «Гармония» халыкка социаль хезмәт күрсәтү комплекслы үзәге карамагындагы балалар да актив катнаша.

«Көмеш» волонтерлар челтәр эченә бәйләнгән оекбашлар, балалар хатлары, догалыклар һәм сугышчылар өчен саклагычлар сала.