«Изгелек» үзәгендә социаль хезмәтләр алучыларга мошенниклыкның яңа төрләре турында сөйләделәр
Кичә Яр Чаллы шәһәренең «Изгелек» инвалидларны тернәкләндерү үзәгендә социаль хезмәтләр алучылар өчен «Сак булыгыз, мошенниклыкның яңа схемалары!» чарасы узды.
Чараның максаты социаль хезмәтләр алучыларның мошенниклыкның яңа схемалары турында хәбәрдарлыгын арттыру һәм мөмкин булган куркынычларны танып белү һәм булдырмау күнекмәләренә өйрәтү иде.
Катнашучылар мошенниклыкның заманча ысулларына багышланган видеоматериаллар белән таныштылар. Белгеч викторина үткәрде, аның барышында мошенниклыкның типик ситуацияләре турында сораулар бирелде. Катнашучылар тәкъдим ителгән сценарийларның дөресме яки ялганмы икәнлеген билгеләделәр.
Үзара хезмәттәшлекнең мондый формасы алган белемнәрне уен формасында ныгытырга һәм үзләштерү процессын мавыктыргычрак итәргә ярдәм итте. Чарада җиде кеше катнашты.