Республикада юбилей медальләрен тапшыру дәвам итә

22–23 октябрьдә Волгоградта «Һөнәре буенча иң яхшы» Бөтенроссия һөнәри осталык конкурсының «Электромонтер» номинациясендә федераль этабы узачак. Конкурста Татарстан Республикасыннан «КАМАЗ» ГАҖ электр җиһазларын ремонтлау һәм аларга хезмәт күрсәтү буенча электромонтер Алексей Майоров катнаша.

Махсус хәрби операция зонасындагы хәрбиләргә ярдәм итү максатыннан «көмеш» волонтерлар Валентина Шишкина, Татьяна Мальгина һәм Любовь Меньших Мамадыш районындагы «Кайгырту» халыкка социаль хезмәт күрсәтү комплекслы үзәгенең социаль-тернәкләндерү бүлеге карамагындагылар өчен үлән чәен төрү буенча мастер-класс үткәрделәр.

«Энергетик» мәдәният сарае базасында Яр Чаллы шәһәренең «Изгелек» инвалидларны тернәкләндерү үзәге белгечләре кулдан эшләнгән әйберләр күргәзмәсе оештырды. Чара бәйрәм рухы тудыруга һәм җәмәгатьчелек игътибарын өлкән буын ихтыяҗларына җәлеп итүгә юнәлдерелгән иде.

Рәхимсез мөгамәләне кисәтү программасы кысаларында Биектау районы «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече Алия Нигъмәтҗанова балигъ булмаганнар белән уен дәресе үткәрде.