«Өмет» үзәге мәктәп укучылары белән профилактик дәресләр циклын башлады
11 марттан Биектау районының «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе социаль педагоглары «Балалар өчен булмаган уеннар 2.0: ирексездән дроп» темасына финанс куркынычсызлыгы буенча презентацион дәресләр үткәрәләр. Чараларда катнашучылар – риск төркеменә керүче балигъ булмаганнар.
Беренче тематик дәрес мәктәп яшендәге балаларны финанс җинаятьләренә корбаннар һәм катнашучылар сыйфатында җәлеп итүгә каршы торуга багышланган иде. Чарада катнашучылар дропперларның үз максатларына ирешү өчен ялган сөйләгән затлар булуын белделәр. Акча чыгаруның популяр ысуллары, телефон мошенниклыгы турында сөйләштеләр, мошенниклык куркынычын танырга һәм түләүләр һәм күчерүләр буенча шикле гамәлләр кылмаска өйрәнделәр.
«Һәр балага мошенниклык схемалары барлыгы турында мәгълүмат бирү өчен мондый дәресләр үткәрү бик мөһим», – диләр социаль хезмәт күрсәтү үзәгендә.