«Асылташ» социаль приютында бәйрәм
2024–2025 елларга балаларның иминлеген тәэмин итүнең төбәк системасын үстерү буенча чаралар комплексын гамәлгә ашыру кысаларында, Авыр тормыш хәлендә калган балаларга ярдәм фонды ярдәме белән Яр Чаллы шәһәренең «Асылташ» балалар һәм яшүсмерләр өчен социаль приютында Халыкара хатын-кызлар көненә багышланган бәйрәм кичәсе үткәрелде.
Бу көнне балалар һәм ата-аналар бергә җыелып, бу матур бәйрәмне билгеләп үттеләр һәм янәшәдәге хатын-кызларга үзләренең яратуларын һәм рәхмәтләрен белдерделәр. Кичә приютта тәрбияләнүчеләрнең чыгышларыннан башланды. Балалар бик тырышып җырладылар, биеделәр, шигырьләр укыдылар.
Бәйрәмнең иң якты мизгелләренең берсе приют тарафыннан флористика буенча оештырылган мастер-класс булды. Теләге булган һәркем үз чәчәк композицияләрен ясый алды.
«Асылташ» приютында бәйрәм чараларын һәм балалар һәм ата-аналар арасындагы мөнәсәбәтләрне җайга салуга юнәлтелгән чараларны оештыруга аерым игътибар бирелә. Алар балалар һәм ата-аналар арасында ышаныч һәм аңлау формалаштыруда мөһим роль уйныйлар, бу киләчәктә аларга ныклы һәм сәламәт мөнәсәбәтләр төзергә ярдәм итәчәк.