Шушы көннәрдә Әлмәт районының «Опека» халыкка социаль хезмәт күрсәтү комплекслы үзәге белгечләре «Метеор» яшүсмерләр клубы базасында балигъ булмаган социаль хезмәт алучылар белән тематик очрашу уздырдылар. Чараның темасы – «Россия террорга каршы».
Катнашучыларга Ватанны саклаучылар көне тарихы, илебездә террорчылыкка каршы көрәш турында сөйләделәр. Балалар хәзерге вакытта махсус хәрби операция зонасында булган туганнары һәм якыннары тормышыннан үз тарихлары белән уртаклаштылар.