Арчада «Теләкләр чыршысы» хәйрия акциясе узды

Татарстан халкы «Россия эше» порталы мөмкинлекләреннән актив файдалануын дәвам итә. Хәзерге вакытта якынча 88,5 мең гариза бирелгән. Ел башыннан эш эзләүдә ярдәм сорап 39 179 кеше мөрәҗәгать иткән.

Яңа ел каникуллары алдыннан Югары Ослан муниципаль районында профилактика субъектлары вәкилләре катнашында ведомствоара рейдлар узды. Чара барышында районның 11 торак пунктыннан 16 гаиләнең торак-көнкүреш шартлары тикшерелде.

Түбән Кама районының «Шәфкать» халыкка социаль хезмәт күрсәтү комплекслы үзәгендә социаль хезмәтләр алучылар өчен Яңа ел әкиятенә ишекләр ачылды. Яшь кунаклар онытылмаслык чарада катнашты. Ул «Беренчеләр хәрәкәте» оешмасының актив катнашучылары белән берлектә оештырылды. Балалар шатланып шигырьләр укыдылар, яраткан персонажлары белән фотога төштеләр, күптән көтелгән Яңа ел бүләкләрен алдылар.

Спас өлкәннәр һәм инвалидлар интернат-йортының социаль хезмәт алучылары өчен «Яңа ел могҗизалары» дигән кызыклы программа оештырылды. Никольский авыл җирлегеннән «СССРда туганнар» вокаль ансамбле башкаруындагы дәртле концерт номерлары тамашачыларга күңелсезләнергә ирек бирмәде. Җырлар, такмаклар, шигырьләр, шулай ук котлаулар залдагыларның кәефен күтәрде. Тамашачылар артистларга кушылып җырладылар, әйлән-бәйлән уйнадылар, күңел ачтылар.