Татарстан мәшгульлек үзәкләрен комплекслы модернизацияләү программасына кушылачак
2025 елда 17 төбәк, Татарстан Республикасын да кертеп, мәшгульлек үзәкләрен комплекслы модернизацияләү программасына кушылачак. Бу хакта Россия Федерациясенең хезмәт һәм социаль яклау министры Антон Котяков башкарма хакимиятнең мәшгульлек өлкәсендәге төбәк органнарының йомгаклау киңәшмәсендә хәбәр итте.
Министр билгеләп үткәнчә, бүгенге көндә мәшгульлек хезмәтенең барлык төп хезмәтләре стандартлаштырылган, цифрлы форматка күчерелгән һәм «Россия эше» платформасында кулланырлык.
Модернизацияләү программасына офис киңлекләрен бердәм стандартлар буенча яңарту, уңайлы эчке навигация һәм килүчеләр белән эшләү өчен бүлеп бирелгән функциональ зоналар гына түгел, ә эшне оештыруга, хезмәт күрсәтүгә, эш бирүчеләр һәм эш эзләүчеләр мәсьәләләрен хәл итүгә принципиаль яңа алымнар да керә. Бу шәхси озату һәм консультацияләүне үз эченә ала.
Мәшгульлек хезмәтенең нәтиҗәлелеген арттыруга юнәлдерелгән модернизацияләү чаралары киләсе елда «Кадрлар» милли проекты кысаларында гамәлгә ашырылачак. Илдә мәшгульлек үзәкләрен этаплап яңарту алты этапта узарга һәм 2028 елда тәмамланырга тиеш.