Яхшы дуслар янә Арча интернат-йортында яшәүчеләр янына килделәр

2024 елның 20 декабре, җомга

Яңа ел алдыннан Арча өлкәннәр һәм инвалидлар интернат-йортына бәйрәм программасы белән Татарстан Республикасы Дәүләт җыр һәм бию ансамбле артистлары килде.

Бу юлы, матур номерлардан тыш, дуслар интернат-йортта яшәүчеләргә тылсым бүләк иттеләр – искиткеч сюрпризлар белән сөендерделәр.

Бәйрәм азагында артистлар интернат-йортта яшәүчеләр һәм хезмәткәрләр белән «Өмет» җырын башкардылар, ул инде учреждениенең гимнына әверелде.