«Шатлык» социаль приютында китапханә почмагы ачылды

2024 елның 12 декабре, пәнҗешәмбе

Питрәч районының «Шатлык» балалар һәм яшүсмерләр өчен социаль приютында «50 китапханә» социаль проекты кысаларында күптән көтелгән китапханә почмагы ачылды. Чарага проектның иганәчеләре, шулай ук махсус кунак – Татарстан Республикасының атказанган артисты Нина Калаганова чакырылган иде.

Хәзер приюттагы китапханә китапларны саклау урыны гына түгел, ә чын иҗтимагый киңлеккә әверелде. Биредә һәр бала шәхси үсеш өчен илһам һәм мөмкинлек таба алачак. Китапханә почмагы үз-үзеңне үстерү өчен мөһим ресурс булачак: китаплар балаларга белем бүләк итәчәк, аларның дөньяга карашын киңәйтәчәк һәм белем алуга һәм үз-үзеңне камилләштерүгә омтылуның уңышлы киләчәккә ачкыч булуын аңларга ярдәм итәчәк.