«Астра» үзәгендә тернәкләнүчеләр өчен концерт оештырылды

2024 елның 11 декабре, чәршәмбе

Алабуга районының «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә зур бәйрәм концерты узды.

Бәйрәмнең мәртәбәле кунаклары шәһәр советы депутаты Людмила Мусаева һәм хәйриячеләр – «Альянсстрой» ҖЧҖ директоры Наил Абдрахманов, шәхси эшмәкәр Денис Чугунов һәм «Автофемели» автоклубы вәкилләре булды. Ел дәвамында алар үзәкнең матди-техник базасын яхшыртуга үз өлешләрен керттеләр.

Чара тамашачылар гына түгел, алып баручылар ролендә дә чыгыш ясаган балалар тормышында якты вакыйгага әверелде. Педагог-оештыручы Марина Степанова җитәкчелегендә балалар концерт программасын оештыру күнекмәләрен алдылар.