Яңа Чишмә интернат-йортында МХО сугышчылары өчен Яңа ел посылкалары әзерләделәр
Яңа Чишмә өлкәннәр һәм инвалидлар интернат-йортында «Өмет» отрядының эчке волонтерлары хезмәткәрләре белән бергәләп витаминлы чәй төрделәр, сохари һәм окоп шәмнәре әзерләделәр. Учреждение җитәкчесе Зәлинә Лизунова инициативасы белән оештырылган «МХО сугышчылары өчен Яңа ел бүләкләре» акциясе кысаларында хезмәткәрләр һәм интернат-йортта яшәүчуләр җылы әйберләр, чәй, каһвә, төрле тәм-томнар җыйдылар, Яңа ел төнендә безнең яклаучыларга өйдәге кебек җылы булсын өчен хатлар яздылар.
Кыш Бабай һәм Кар Кызы булып киенеп, бүләкләрне фронтка җибәрү өчен волонтерларга илттеләр.
«Ир-егетләребезгә ярдәм итәргә кирәклеген аңлыйбыз, шуңа күрә барысы да берләште. Һәркем булдыра алганча ярдәм итте. Барлык әйберләр дә файдалы һәм кулланылачак», – дип уртаклашты Зәлинә Лизунова.