«Хыял» приютында тәрбияләнүчеләрне кызыклы чарага чакырдылар

2024 елның 10 декабре, сишәмбе

#ВСЕСВОИ волонтерлык хәрәкәте Аксубай районының «Хыял» балалар һәм яшүсмерләр өчен социаль приютта тәрбияләнүчеләрне Яр Чаллы шәһәренә масштаблы «Балалар йортлары һәм социаль приютлар слеты» чарасына чакырды.

Бәйрәм дельфинарийга барудан башланды, анда балалар искиткеч дельфиннар тамашасын карадылар. Алга таба «Энергетик» мәдәният йортында балаларны бәйрәм, табыннар, мастер-класслар, аниматорлар белән хәрәкәтчән уеннар һәм дискотека көтте.

Бәйрәм программасы бик бай булды һәм балаларга бик күп якты һәм уңай хис-кичерешләр бүләк итте.