Ютазылылар махсус операция зонасына чираттагы гуманитар ярдәм җибәрделәр

Ютазы районыннан махсус хәрби операциядә катнашучылар өчен чираттагы гуманитар ярдәм партиясе җибәрелде. Бу юлы дүрт мотоцикл, бер квадроцикл һәм УАЗ автомобиле җибәрделәр. Шуның өстенә посылкалар салынган йөздән артык тартма җыелды.

«Гармония» халыкка социаль хезмәт күрсәтү комплекслы үзәге белгечләре акциядә актив катнашты һәм посылкаларны формалаштырырга ярдәм итте. Бу посылкаларда алгы сызыкта кирәкле әйберләр: җиһазлар, махсус чаралар һәм приборлар, генераторлар, инструментлар, кием-салым, азык-төлек, шәхси кирәк-яраклар һәм башкалар бар иде. Акциядә районда яшәүчеләрнең барысы да катнашты.