«Кайгырту» приютында тәрбияләнүчеләрне сәламәтлек мөмкинлекләре чикләнгән кешеләрне хөрмәт итәргә өйрәтәләр

2024 елның 2 декабре, дүшәмбе

1 декабрьдә Алексеевск районының «Кайгырту» балалар һәм яшүсмерләр өчен социаль приютында инвалидлар декадасы кысаларында «Безне табигать төрле итеп яраткан»дигән шәфкатьлелек сәгате узды. Чараны тәрбияче Гөлшат Җаббарова үткәрде.

Балаларның игътибарын инвалидлар тормышының гади кешеләр тормышыннан бик нык аерылып торуына юнәлттеләр. Балалар шәфкатьлелек, җәмгыятьнең мөмкинлекләре чикләнгән кешеләргә мөнәсәбәте турында сөйләштеләр. Балалар шулай ук толерантлыкның нәрсә икәнен белделәр, игелек һәм шәфкатьлелек турында китаплар карадылар.