Бүген Яр Чаллы шәһәренең «Изгелек» инвалидларны тернәкләндерү үзәгендә физик һәм менталь тайпылышлары булган яшьләр өчен күңелле стартлар уздырдылар. Чараның максаты – социаль хезмәтләр алучылар арасында сәламәт һәм актив яшәү рәвешен пропагандалау.
Инструктор музыка астында күңелле гимнастика үткәрде. Аннары катнашучылар ике командага бүленеп, биремнәрне актив үтәүгә керештеләр. Социаль хезмәтләр алучылар үзләренең физик сыйфатларын күрсәттеләр: тизлек, җитезлек, көч һәм чыдамлык.
Чарада 12 кеше катнашты.