Тегү эше: яңа күнекмәләр һәм социаль адаптация
Түбән Кама районының «Шәфкать» халыкка социаль хезмәт күрсәтү комплекслы үзәгенең көндезге тору бүлегендә «Тегү эше» программасы уңышлы тормышка ашырыла, ул социаль хезмәтләрдән файдаланучыларның тормыш сыйфатын күтәрүгә һәм социаль адаптацияләүгә юнәлдерелгән. Бу программа тегүгә өйрәтү генә түгел, ә үзендә һөнәри белем, арт-терапия һәм социаль тернәкләндерүне берләштергән комплекслы чара.
Программада катнашучылар, сәламәтлекләрендә чикләүләр булган һәм төрле әзерлек дәрәҗәсе булган кешеләр, кирәкле һөнәр үзләштерү, яңа күнекмәләр алу мөмкинлеге ала. Дәресләр атнага ике тапкыр тәҗрибәле инструктор Галия Петрова җитәкчелегендә уза.
Социаль ярдәм программасы кысаларында үткәрелгән чираттагы дәрестә социаль хезмәт алучылар мавыктыргыч кул эшләре дөньясына чумдылар. Мастер-класста катнашучылар савыт-саба киптерү өчен уникаль тастымаллар ясарга өйрәнделәр.
«Тегү эше» программасы шулай ук вак моториканы, игътибарны, иҗади фикерләүне үстерүгә ярдәм итә. Катнашучылар яңа һөнәри күнекмәләрне үзләштереп кенә калмыйча, җәмгыятьнең актив әгъзалары да булалар.