«Астра» үзәгендә волонтерларның игелекле эшләре дәвам итә

2024 елның 22 ноябре, җомга

Шушы көннәрдә педагог-оештыручы Марина Степанова җитәкчелегендә Алабуга районында «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә «Татнефть» ГАҖ яшьләре вәкиле Мария Сәхаутдинова һәм Алабуга медицина училищесы студентлары «Капустник» дип исемләнгән бәйрәм ярышлары әзерләделәр һәм уздырдылар.

Программа бай һәм күңелле булды. Командалар кызыклы бәйгеләрдә, уеннарда, кызыклы эстафеталарда һәм әкиятләр сәхнәләштерүдә катнаштылар.

Чара спорт, коммуникатив һәм актерлык сәләтләрен үстерүгә юнәлдерелгән иде. Балалар инклюзив мохиткә чумдылар һәм командада эшләргә өйрәнделәр. Барлык катнашучылар да күңел күтәренкелеге алдылар, үзләрен зур тату гаилә итеп хис итә алдылар.