Өлкәннәрне Скандинавия йөреше белән шөгыльләнүгә җәлеп итәләр

2024 елның 19 ноябре, сишәмбе

«Актив озын гомерлелек» проекты кысаларында Тукай районы ветераннар советы һәм инвалидлар җәмгыяте рәисе Фәйрүзә Вазиева белән бергә Түбән Суыксу авылына күчмә чара оештырылды.

Скандинавия йөреше буенча сертификацияләнгән инструктор Галина Козырева Скандинавия йөреше вакытында техниканы үтәүнең мөһимлеге, дәресләр үткәрү өчен инвентарьны дөрес сайлап алу кирәклеге турында сөйләде. Чара барышында Скандинавия таякларын кулланып хәрәкәт итү техникасы һәм практик күнегүләр күрсәтелде.

Исегезгә төшерәбез, актив озак яшәү принципларын гамәлгә ашыру «Демография» милли проектының «Өлкән буын» федераль проекты кысаларында башкарыла.