«Ышаныч» тернәкләндерү үзәгенең театр студиясе бөтенроссия конкурсы лауреаты булды

2024 елның 25 октябре, җомга

Яшел Үзән шәһәрендәге «Ышаныч» мөмкинлекләре чикләнгән балалар һәм яшүсмерләр өчен тернәкләндерү үзәгенең «Светлячок» театр студиясе II Бөтенроссия күп жанрлы «Талантлар водевиле» хәйрия фестиваль-конкурсының I дәрәҗә лауреаты булды. Үзәк «Мамонтенок» театральләштерелгән куелышы белән «Театраль куелышлар» номинациясендә җиңде.

Театр студиясе җитәкчесе билгеләп үткәнчә, мондый нәтиҗәгә студиядә катнашучыларның уртак тырышлыгы һәм таланты ирешергә мөмкинлек бирде.