«Кайгырту» үзәгендә инвалид яшьләрне өстәл әзерләргә өйрәтәләр

2024 елның 22 октябре, сишәмбе

Мамадыш районындагы «Кайгырту» халыкка социаль хезмәт күрсәтү комплекслы үзәгенең көндезге тору бүлеге белгечләре социаль хезмәт алучылар өчен «Өстәл әзерләү» темасына дәрес үткәрделәр. Чара «Көнкүреш адаптациясе» технологиясе кысаларында уздырылды.

Башта социаль хезмәтләр алучыларга тематик презентация күрсәттеләр. Аннары катнашучылар белгеч белән бергә өстәл әзерләү өчен нәрсә кирәклеге турында фикер алыштылар. Иң кызыклысы практик өлеш булды, аның барышында һәркем алган белемнәрен ныгыта алды.

Мондый чаралар социаль-көнкүреш күнекмәләрен үстерүгә ярдәм итә, бу яшьләргә көнкүреш тормышка уңышлы җайлашырга мөмкинлек бирә.