Зәйдә спорт бәйрәме узды
Зәй районының «Шатлык» халыкка социаль хезмәт күрсәтү комплекслы үзәге Авыр тормыш хәлендә калган балаларга ярдәм фондыннан грант ярдәме алган 2024–2025 елларга балалар иминлеген тәэмин итүнең төбәк системасын үстерү буенча чаралар комплексын гамәлгә ашыру кысаларында эшчәнлеген дәвам итә.
Чираттагы «Гаилә эстафетасы» спорт бәйрәме Россиядә Гаилә елына багышланган иде. Чара гаилә институтын, гаилә элемтәләрен һәм кыйммәтләрен ныгытуга, ишегалларында гаилә ялын оештыруга юнәлдерелгән.
Очрашу төрле яшьтәге һәм төрле мәнфәгатьләрдәге гаиләләрне берләштерде. Катнашучыларның спорт дисциплиналарында ярышу гына түгел, ә мавыктыргыч интеллектуаль конкурсларда үз белемнәрен сынау мөмкинлеге дә бар иде.
Бәйрәмнең спорт өлеше тантаналы ачылыштан башланды, анда катнашучылар бер-берсен сәламләделәр. Күңелле стартлар – кызыклы биремнәр сериясе – катнашучыларга җитезлек һәм тиз реакция күрсәтергә мөмкинлек бирде. Программа шулай ук берничә интеллектуаль конкурсны үз эченә алды.
Барлык ярышлар тәмамланганнан соң бүләкләү тантанасы булды. Һәр команда истәлекле призлар алды.