Күпбалалы гаиләдә шатлык та күбрәк
Россиядә Гаилә елы кысаларында Балтач районындагы «Наз» халыкка социаль хезмәт күрсәтү комплекслы үзәге күпбалалы гаиләләр тарихы белән уртаклаша.
Алексей һәм Ольга Овчинниковлар өч бала тәрбиялиләр – кызлары Валерия һәм игезәкләр Кирилл һәм Никитаны. Ольга «Наз» үзәгенең социаль-тернәкләндерү бүлегендә няня булып эшли. Алексей авыл хуҗалыгы предприятиесендә машина йөртүче.
«Игезәкләр белән мәшәкатьләр икеләтә күбрәк, аның каравы шатлык та ике тапкырга күбрәк», – ди Ольга, елмаеп.
Гаилә 2006 елда туган. Овчинниковларның үз хуҗалыклары бар – үгезләр тоталар. Ел саен бик күп яшелчә утырталар, шулай ук бәрәңге, кабак, көнбагыш һәм кукуруз белән тулы басу да бар.
Кызлары Валерия пешекчегә укый. Кирилл белән Никита мәктәп укучылары. Малайлар макулатура һәм батарея җыю акциясендә актив катнашалар. Алар юл хәрәкәтенең яшь инспекторлары отрядында катнашалар, спортны яраталар.
Һәр гаиләнең үз традицияләре бар. Овчинниковлар кышын чаңгыда шуалар, яз һәм көзен бөтен гаилә белән өмәләр оештыралар. Гаиләнең иң яраткан бәйрәме – Яңа ел. Ул бөтен зур гаиләне берләштерә.
«Без бәхетле – зур һәм тату гаиләбез бар. Мин мондый гаиләләрнең мөмкин кадәр күбрәк булуын телим!», – дип уртаклаша күпбалалы әни.