Буа интернат-йортында яшәүчеләр кунаклар каршы алуларын дәвам итәләр

2024 елның 14 октябре, дүшәмбе

Социаль хезмәтләр алучыларга концерт программасы белән кунаклар – Татарстанның атказанган артисты, «Татар моңы» конкурсы лауреаты Энҗе Шәймурзина һәм Татарстан Республикасы буенча Медик-социаль экспертиза баш бюросы җитәкчесе урынбасары Светлана Алишева килде.

Энҗе Шәймурзина Буа өлкәннәр һәм инвалидлар өчен интернат-йортында яшәүчеләрне матур җырлары белән сөендерде. Светлана Алишева үзе иҗат иткән шигырьләре белән чыгыш ясады.

Очрашу бәйрәм атмосферасында узды. Чыгышлар өлкәннәрнең күңелләренә хуш килде.