Кайгыртуга мохтаҗларга ярдәм кулы
Багдагөл Галимуллина – махсус хәрби операциядә катнашучының әнисе. Хатын-кыз Балтач районының «Наз» халыкка социаль хезмәт күрсәтү комплекслы үзәгендә өйдә социаль хезмәт күрсәтүдә тора. Аның белән 3 группа инвалид улы Руслан да яши.
Социаль хезмәт күрсәтүгә кабул ителгәннән соң, өй бүлекчәсе белгечләре йорт түбәсен, койманы, бәдрәфне ремонтлауны, мунча тәрәзәләрен һәм мичне алыштыруны оештырырга булыштылар. Шулай ук алар иганәчеләр табып, газ плитәсен һәм суыткычны алыштырдылар.
74 яшьлек Багдагөл Галимуллина һәм аның улы Русланның сәламәтлеге социаль хезмәт күрсәтүгә алынганнан соң яхшыра башлады. Социаль хезмәткәр аларны хастаханәдә озата бара, вакытында анализлар тапшырырга һәм дөрес дәваланырга ярдәм итә, дарулар кабул итүне контрольдә тота. Август аенда Руслан «Наз» үзәгенең социаль-тернәкләндерү бүлегендә тернәкләндерү узган иде. Дәваланудан һәм сәламәтләндерү чараларыннан соң Русланның сәламәтлеге шулкадәр яхшырган ки, ул урамга мөстәкыйль чыга башлаган.
Багдагөл Галимуллина һәрвакыт социаль хезмәт күрсәтү үзәгенә һәм хезмәткәрләргә даими кайгыртулары, гаиләсенә күрсәткән ярдәмнәре өчен рәхмәт белдерә. Ул түземсезлек белән икенче улының МХОдан кайтуын көтә.