Буа интернат-йортында өлкәннәр декадасы дәвам итә

2024 елның 9 октябре, чәршәмбе

«Кадерле ветераныбыз» республика проекты һәм «Туган як» акциясе кысаларында Апас муниципаль районының Табар Черкене мәктәбе волонтерлары Буа өлкәннәр һәм инвалидлар өчен интернат-йортында булдылар. Балалар өлкәннәргә «Йөрәктән йөрәккә» дигән концерт программасы бүләк иттеләр. Алар шулай ук бүләкләр – открыткалар һәм үз куллары белән чигелгән сөлгеләр белән сөендерделәр.

Өлкәннәр декадасы көннәрендә интернат-йорт хезмәткәрләре аз хәрәкәтләнүче социаль хезмәтләр алучылар өчен театральләштерелгән тамаша әзерләгәннәр иде. Бу чара психоэмоциональ киеренкелекне бетерүгә, борчылуны киметүгә, социаль хезмәтләр алучыларның коммуникатив сәләтен арттыруга ярдәм итте.