«Астра» үзәгенең Ата-аналар мәктәбендә файдалы дәресләр дәвам итә

2024 елның 11 октябре, җомга

Алабуга районындагы «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә Монтессори педагогы Анна Крахалева һәм педагог-психолог Гөлнара Сабитова Ата-аналар мәктәбендә мәгълүмати-укыту дәресе үткәрделәр. Чараның темасы – «Өй шартларында балалар белән ике кул белән эш итүне үстерү».

Педагоглар ата-аналарга уң һәм сул ярымшарлар үсешенең мөһимлеге турында сөйләделәр. Практик өлештә баланың игътибарын, хәтерен, фикерләвен һәм сөйләмен үстерүгә ярдәм итүче ике кулның да синхрон эшенә гади күнегүләр өйрәнделәр.