Тәтеш районында «Күңел белән яшьләр» клубы очрашуы узды
«Тәтеш балкышы» халыкка социаль хезмәт күрсәтү комплекслы үзәгендә «Күңел белән яшьләр» клубы эшли. 9 октябрьдә «көмеш» волонтер Татьяна Петрова җитәкчелегендә клубның очрашуы булды. Чарада шулай ук «Юл хәрәкәте иминлеге» ДБУнең Казан шәһәрендәге территориаль идарәсенең профилактика бүлегенең Буа бүлекчәсе башлыгы Сирина Мурзакова да катнашты.
Очрашу кысаларында «Юл хәрәкәте кагыйдәләрен үтим» велостартлары оештырылды. Очрашу традициясен саклап, активистлар музыкага разминка үткәрделәр. Аннары клубта катнашучылар ярыштылар, кроссвордлар һәм ребуслар чиштеләр, пазллар җыйдылар. Барысы да барлык биремнәрне җиңел үтәп чыкты.
Сирина Мурзакова «Күңел белән яшьләр» клубының һәр әгъзасына яктылык кайтара торган беләзекләр тапшырды.
Очрашуны традицион ритмик гимнастика белән тәмамладылар.