«Кояшкай» тернәкләндерү үзәгендә МХО сугышчылары өчен чебурашкалар тегәләр

2024 елның 27 сентябре, җомга

Яр Чаллыда мөмкинлекләре чикләнгән балалар һәм яшүсмерләр өчен «Кояшкай» тернәкләндерү үзәге һәм «Без бергә» волонтерлык үзәге чираттагы «Өйдән җылылык, балалар кулларыннан җылылык белән» акциясен оештырдылар. Акциянең асылы хәрбиләр өчен гуманитар ярдәм җыюда.

Хәрбиләрнең рухын күтәрү өчен балалар әти-әниләре һәм тәрбиячеләре белән бергә чебурашкалар тектеләр һәм үлән чәйләре ясадылар. Хуш исле чәй тутырылган бер тапкыр кулланыла торган капчыклардан һәм уенчыклардан тыш, хәрбиләр өчен бер тапкыр кулланыла торган кашык, дезинфекцияләүче салфеткалар, шикәр һәм чәй үзе кергән җыелмалар әзерләделәр.

«Кояшкай» тернәкләндерү үзәге хезмәткәрләре һәм тәрбияләнүчеләрнең ата-аналары шулай ук шәхси гигиена әйберләре дә җыйганнар.