Татарстанның Ютазы районыннан өлкән бабай юбилеен билгеләп үтте
Ютазы районының «Гармония» халыкка социаль хезмәт күрсәтү комплекслы үзәге карамагындагы Мөгътәвәр Яркәев шушы көннәрдә үзенең 90 яшьлек юбилеен билгеләп үтте. Аны котларга өйдә социаль хезмәт күрсәтү бүлеге белгечләре һәм авылдашлары килде.
Хикәя героеның хезмәт юлы автотранспорт предприятиесе белән бәйле. Ул һәрвакыт актив гражданлык позициясен алып торган. Хезмәт һәм иҗтимагый эшчәнлекнең төрле өлкәләрендә дәүләт алдындагы хезмәте өчен Мөгътәвәр Яркәев Хезмәт Кызыл Байрагы ордены белән бүләкләнгән.
Мөгътәвәр Яркәев хатыны Алена Камил кызы белән 60 елдан артык бергә яши. Яркәевләр һөнәрдә уңышлы булганнар, бүген бергә йорт хуҗалыгы алып баралар, бакчада эшлиләр. Аларның балалары юк, әмма аларны һәрвакыт күпсанлы туганнарының балалары, оныклары сөендерә. Үзләренең матур гаилә тормышы белән Мөгътәвәр Яркәев һәм Алена Камил кызы авылдашлары арасында хөрмәткә лаек булган һәм барысына да үрнәк булып торалар.
Мөгътәвәр Яркәевнең юбилеена төрле шәһәрләрдән туганнары җыелды. Бу гаиләнең ныклы тамырлары һәм иминлеге белән сөенеп кенә була.