«Яңарыш» тернәкләндерү үзәгендә балаларның хокукларын өйрәнәләр

2024 елның 2 июле, сишәмбе

1 июльдә Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә балигъ булмаганнарның хокукларын һәм бурычларын өйрәнү буенча дәрес узды.

Чара барышында балалар «Бала хокуклары әлифбасы» мультипликацион фильмын карадылар, каралган материал турында фикер алыштылар, ә материалны ныгыту һәм үзләштерү өчен сюжетлы-рольле уен уйнатылды.

Мондый чаралар социаль хезмәтләр алучылар белән даими рәвештә үткәрелә, чөнки гражданлык позициясен формалаштыру, үз хокукларыңны һәм бурычларыңны белү – хәзерге җәмгыятьтә балаларны нормаль социальләшү һәм адаптацияләнү нигезе.