Буа интернат-йортында сугыш ветераннары белән очрашу узды

2024 елның 1 июле, дүшәмбе

1 июльдә Россиядә истәлекле дата – Сугыш хәрәкәтләре ветераннары көне билгеләп үтелә. Бүген Буа өлкәннәр һәм инвалидлар өчен интернат-йорты белгечләре социаль хезмәтләр алучылар өчен Әфганстанда һәм Чечен Республикасында хәрби хәрәкәтләр ветераннары белән очрашу оештырды.

Буа шәһәрендә «Чик сакчылары берлеге» оешмасы рәисе Дмитрий Ишимов хезмәт, хәрби хәрәкәтләр тәҗрибәсе турында сөйләде. Хәрби хезмәткәрләр үзләренең кичерешләре һәм хезмәт белән бәйле кыенлыклар белән уртаклаштылар.

Социаль хезмәт алучылар хәрбиләргә рәхмәт белдерделәр, шулай ук ныклы сәламәтлек, игелек һәм тыныч күк теләделәр.