6–7 июльдә Казанда Зур гаилә яллары узачак
«Зур гаилә яллары» – 2024 елда эшли башлаган масштаблы бөтенроссия проекты. Ул Россиядә Гаилә елына багышлана. Проект мәдәни-массакүләм, спорт, күңел ачу һәм танып белү активларында катнашу юлы белән гаиләнең төрле буыннарын берләштерүгә юнәлдерелгән.
Проект башланганнан бирле барлык муниципаль берәмлекләрдә 500дән артык чара уздырылган. Бу гаилә белән бергә вакыт үткәрү, балалар һәм ата-аналар мөнәсәбәтләрен ныгытучы яңа традицияләр булдыру өчен бик яхшы мөмкинлек.
Чараларның анонслары ике платформада урнаштырыла: федераль – семья2024.рф һәм республика – family-tatarstan.ru, шулай ук муниципаль берәмлекләр сайтларында.
Казанда Зур гаилә яллары 11–12 майда һәм 1–2 июньдә узды. Азнакай, Лениногорск, Сарман, Ютазы районнарында 1–2 июньдә балалы гаиләләр өчен спорт һәм мәдәни-массакүләм чаралар уздырылды.
6–7 июльдә Казанда Гаилә, мәхәббәт һәм тугрылык көненә багышланган чаралар узачак. 12 гаилә парын «Мәхәббәт һәм тугрылык өчен» медале белән бүләкләү планлаштырыла.
Шәһәр паркларында һәм скверларында балалар һәм өлкәннәр өчен төрле интерактивлар, мастер-класслар, концертлар оештырылачак. Моннан тыш, шәһәрнең танылган гаилә династияләре яшәгән урыннар буенча җәяүле экскурсияләр, сапсерфинг фестивале һәм башка күп нәрсәләр оештырылачак.
Казан Кремле территориясендә квестларда катнашырга, спектакль карарга, төрки-татар төркеме концертын тыңларга мөмкин булачак.
Республика районнарында июль аенда Зур гаилә яллары Арча, Алексеевск, Балтач, Алабуга, Нурлат районнарында, Әлмәт, Түбән Камада узачак. Яр Чаллы шәһәрендә мондый чаралар 17–18 августта, Әгерҗе районында 7–8 сентябрьдә узачак. Чаралар планы белән район сайтларында һәм Татарстанда Гаилә елы порталында танышырга мөмкин булачак.