Югары Ослан интернат-йортында Гаилә елына багышланган чаралар уздырылды
Югары Ослан өлкәннәр һәм инвалидлар өчен интернат-йортында Россиядә Гаилә елына багышланган «Гаилә альбомына күз сал» чаралар циклы уздырдылар. Бу юлы тематик дәресләрне дәвам итү өчен Рәмил Кәлимуллинның 66 яшьлек юбилее сәбәп булды.
Интернат-йортта, зур тату гаиләдә кебек, беренче эш итеп туган көн белән котладылар һәм бүләк тапшырдылар. Традиция буенча, һәр туган көн бәйрәменә бүләкне «Казан әниләре» хәйрия фонды хезмәткәрләре алып килә.
Рамил Кәлимуллин барысына да гаилә альбомын карарга тәкъдим итте, социаль хезмәт алучылар аның балачагы, яшьлеге, дуслары, хезмәттәшләре, туганнары һәм якыннары турында фотоларын күрде.
«Мондый чараларны без даими үткәрәбез. Һәрбер кеше шәхси гаилә альбомын күрсәтү өчен туган көнен түземсезлек белән көтә», – ди тәрбияче Ксения Хваткова.
Мондый очрашулар барышында социаль хезмәт алучылар зур кызыксыну белән аралашалар, бер-берсе турында күп яңа һәм мөһим нәрсәләр беләләр, бу аларны бик берләштерә. «Хатирәләр терапиясе» технологиясе өлкәннәрнең психоэмоциональ халәтенә уңай йогынты ясый.