Салиховлар гаиләсе 66 ел бергә
Балтач районының «Наз» халыкка социаль хезмәт күрсәтү комплекслы үзәгендә 10 елдан артык Нуринер авылыннан Салиховлар гаиләсе өйдә хезмәтләр ала. 93 яшьлек Наил һәм Мөнәвәрә Сәлиховлар тыл хезмәтчәннәре.
Наил Сәлих улы һәм Мөнәвәрә Шәфигулла кызы 1958 елның 30 июнендә өйләнешәләр. Гаилә өч бала тәрбияли. Разилә, Фәридә һәм Рамил мәктәпне алтын медаль белән тәмамлыйлар, югары белем алалар. Хәзер алар Казанда яшиләр һәм эшлиләр, үз гаиләләрен булдырганнар. Балалар әти-әниләрен үзләре белән яшәргә чакыралар, әмма Наил абый һәм Мөнәвәрә апа туган йортын бик яраталар. Балаларда бераз кунак булганнан соң, алар авылга кайталар.
Зур педагогик стажга ия булган Салиховлар Нуринер мәктәбенә йөриләр һәм укучылар белән патриотик әңгәмәләр үткәрәләр.
Салиховлар гаиләсе инде 66 ел шулай тату, җанга-җан яши, яшь гаиләләр өчен үрнәк булып тора.