Яр Чаллыда 9 Май алдыннан тыл хезмәтчәннәре янына бардылар
Бөек Ватан сугышында Җиңү көне алдыннан Яр Чаллы шәһәренең «Ышаныч» халыкка социаль хезмәт күрсәтү комплекслы үзәге коллективы социаль хезмәт күрсәтүдә булган сугыш ветераннарын хөрмәтли. Традицион рәвештә социаль хезмәткәрләр тыл хезмәтчәннәренең, Бөек Ватан сугышында катнашучыларның тол хатыннарының өйләрендә генераль җыештыру үткәрәләр. Шулай ук шәһәрнең хезмәт коллективлары вәкилләре тарафыннан социаль хезмәтләр алучылар арасыннан сугыш ветераннарын котлау да яхшы традициягә әверелде.
7 майда Комсомол районы буенча өй бүлеге хезмәткәрләре «Ваш налоговый консультант» ҖЧҖ һәм «Добрые истории» өлкәннәр өчен пансионатлар челтәре белән берлектә алты тыл хезмәтчәнен котладылар. Һәрбер хатын-кызга 93 яшьтән артык, әмма алар әле дә фашизмны җиңү хакына кичерелгән барлык авырлыкларны хәтерлиләр. Хатын-кызлар тылда батырларча эшлиләр: урман кисәләр, торфта эшлиләр, завод станоклары янында торалар, оборона заказын үтиләр.