Казанда «Гаилә мирасы – буыннар бәйләнеше» социаль практикасы гамәлгә ашырыла
Россиядә Гаилә елы кысаларында Казан шәһәренең халыкка социаль хезмәт күрсәтү комплекслы үзәгендә «Гаилә мирасы – буыннар бәйләнеше» дигән социаль практика гамәлгә ашырыла. Практика – яшүсмерләр арасында хокук бозуларны һәм девиант тәртипне профилактикалауга, балалар–ата-аналар мөнәсәбәтләре бозылган гаиләләр белән профилактик эшкә юнәлдерелгән шәхси һәм төркем гаилә шөгыльләре циклы.
Совет районындагы бүлек психологы үткәргән ата-аналар өчен «Минем гаилә тарихын өйрәнү» дигән интерактив дәрес гаилә клубы формасында узды. Чаралар гаилә институтын рухи-әхлакый гаилә кыйммәтләре һәм традицияләре, буыннар бәйләнеше аша ныгытуга юнәлдерелгән.
Җиңү көнен бәйрәм итү алдыннан Бөек Ватан сугышын узган туганнары, тыл хезмәтчәннәре турында да искә алдылар.