«Апрель» тернәкләндерү үзәгендә ата-аналар өчен файдалы очрашу узды
Россия Федерациясе Президенты игълан иткән Гаилә елы кысаларында «Апрель» мөмкинлекләре чикле балалар һәм яшүсмерләр өчен тернәкләндерү үзәгендә 10 нчы балалар поликлиникасының бүлек мөдире һәм «Ял» шәһәр үзәге вәкиле белән очрашу узды. Чара дарулар белән тәэмин итүнең актуаль мәсьәләләре, шифаханә-курорт ялын оештыру һәм балалар сәламәтләндерү лагерьларына юлламалар алу үзенчәлекләре турында фикер алышуга багышланды.
Очрашуда ата-аналарга балаларның сәламәтлеге һәм иминлеге турында кайгырту белән бәйле сорауларга тулы җаваплар бирелде. Казанда балалар ялын оештыру буенча бай эш тәҗрибәсе булган «Ял» шәһәр үзәге вәкилләре үсеш үзенчәлекләре булган балалар өчен мөмкинлекләр турында сөйләделәр.
Мондый чара гаиләләргә ярдәм итүнең һәм гаилә институтын ныгытуның искиткеч үрнәге.