Балык Бистәсе районында этномәдәни фестиваль узды
Татарстанның муниципаль районнарында Россия Президенты Владимир Путин игълан иткән Гаилә елы кысаларында төрле чаралар актив үткәрелә. Балык Бистәсе районында, мәсәлән, «Халыклар дуслыгы – безнең традиция» муниципаль этномәдәни фестивале үтте.
Фестиваль мәктәпкәчә белем бирү учреждениеләре арасында уздырыла.
Иҗади чараның максатлары – халык мәдәнияте һәм сәнгате өлкәсендә сәләтләрен күрсәтүче балаларны ачыклау, үстерү һәм аларга ярдәм итү, аларны Татарстан Республикасының этномәдәни мирасы һәм гаилә кыйммәтләренә җәлеп итү.
«Без «Халыклар дуслыгы – безнең традиция» фестивале барлык коллектив җитәкчеләренә кечкенә тәрбияләнүчеләребезнең потенциалын һәм талантын күрсәтергә мөмкинлек бирер дип өметләнәбез», – дип уртаклашты «Мишутка» балалар бакчасы мөдире Лидия Йосыпова. Нәкъ менә шушы балалар бакчасы һәм район мәгариф бүлеге этномәдәни фестивальне оештыручылар булып тора.
Чарада «Доверие–Ышаныч» халыкка социаль хезмәт күрсәтү комплекслы үзәгендә социаль хезмәт алучы балалар да катнашты. Үзләренең бию номерлары белән алар Татарстан Республикасында төрле милләт кешеләренең барлыкка килү тарихын сөйләделәр, шулай ук бу халыкларның кайбер традицияләре һәм гореф-гадәтләре белән таныштырдылар. Балалар призлы урын алмасалар да, фестивальдән бик күп уңай эмоцияләр алдылар.
Фото чыганагы: Балык Бистәсе МР рәсми сайты