«Яңарыш» тернәкләндерү үзәгендә ачык ишекләр көне узды
23 апрельдә Бөгелмә шәһәрендәге «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә ачык гаилә / ата-аналар көне кысаларында социаль хезмәтләр алучылар белән очрашу узды. Аутизм спектры бозылуы һәм башка психик тайпылышлары булган балаларда коммуникатив күнекмәләр үсеше турында сөйләделәр.
Чараның максатлары: балага гомуми белем бирү мохитенә керүгә әзерләнергә ярдәм итү, җәмгыятьтә һәм гаиләдә яшәүгә, укуга һәм хезмәткә социализацияләүгә һәм адаптацияләүгә ярдәм итү.
Чара барышында иң актуаль мәсьәләләр турында фикер алыштылар, баланы тәрбияләгәндә көн режимын үтәүнең һәм аутизм спектры бозылган балалар белән эшләүдә уен технологияләренең мөһимлеге турында сөйләштеләр. Шулай ук психик тайпылышлары булган балаларга массаж ясау методикасын карадылар, PECS карточкалары ярдәмендә альтернатив коммуникация системасы белән таныштылар. Аннары катнашучылар «Тылсымлы нокталар» акупунктура гимнастикасын башкардылар.
Чара тренинг һәм «Васанта» бию халык коллективы үткәргән бию-хәрәкәт терапиясе белән тәмамланды.