Россиянең хезмәт һәм социаль яклау министры мәшгульлек хезмәте хезмәткәрләренә мөрәҗәгать итте
Хөрмәтле хезмәттәшләр! Кадерле дуслар! Һөнәри бәйрәмебез белән котлыйм!
Бүген мәшгульлек хезмәте – барлык кадрлар сорауларына җавап бирүче команда. Сез кешеләргә хезмәт базарында үзләрен табарга, карьера корырга, эш бирүчеләргә кирәкле белгечләр табарга булышасыз.
Хәзер мәшгульлек үзәкләрендә эш табу һәм түләүләр рәсмиләштерү генә түгел, ә һөнәри юнәлеш алу, резюме төзүдә ярдәм алу, һөнәри яңадан укыту программасын сайлау да мөмкин. Мәшгульлек хезмәте шулай ук хезмәт базарында эксперт булып тора, төбәкләрдәге компанияләргә кадрлар сәясәтен дөрес төзергә ярдәм итә.
Безнең илнең барлык мәшгульлек үзәкләре бердәм стандартлар буенча, бердәм цифрлы платформада, ачык төзелгән аңлаешлы алгоритмнар буенча эшли.
Инфраструктура үзгәрә. Комплекслы модернизацияләү илебездәге 550 үзәккә кагылган инде. 2024 ел ахырына яңартылган үзәкләр 900 булачак, ә 2028 елда һәр мәшгульлек үзәге барлык заманча стандартларга туры киләчәк.
Ләкин мәшгульлек хезмәтендә иң мөһиме – кешеләр. Өч ел эчендә кадрлар үзәкләренең 20 мең хезмәткәре яңадан һөнәри укыту узды.
Безнең уртак нәтиҗәгә керткән өлеш өчен һәркемгә рәхмәт белдерәм. Без инде күпкә ирештек, әмма алда да яңа бурычлар бар. Бергәләп без аларны уңышлы хәл итәрбез дип ышанам. Сезгә сәламәтлек, уңышлар телим. Бәйрәм белән!
РФ хезмәт һәм социаль яклау министры Антон Котяков
Видеокотлауны монда карарга була >>.