Лениногорск районында Гаилә елына фотокүргәзмә оештырдылар

2024 елның 12 апреле, җомга

8–12 апрель көннәрендә Лениногорск районының «Исток–Башлангыч» халыкка социаль хезмәт күрсәтү комплекслы үзәгендә Россиядә Гаилә елына багышланган фотосурәтләр күргәзмәсе оештырылды. Ул социаль хезмәтләр алучы гаиләләрнең фотоларыннан тора.

Күргәзмәдә бергә вакыт үткәрүнең шатлыклы мизгелләрен чагылдырган якты һәм эмоциональ фотолар тәкъдим ителә. Һәрбер фото тирән мәгънә белән тулы, гаилә мөнәсәбәтләренә мәхәббәт һәм җылылык күрсәтә.

Фотолар күргәзмәсе һәр кешенең тормышында гаиләнең әһәмияте турында җәмәгатьчелек аңын ныгытуга ярдәм итүче мөһим вакыйгага әверелде.