«Апрель» тернәкләндерү үзәгендә санитар-гигиена минимумы буенча лекцияләр укыдылар
Бүген Казандагы «Апрель» мөмкинлекләре чикле балалар һәм яшүсмерләр өчен тернәкләндерү үзәгендә санитар-гигиена минимумы буенча лекцияләр узды. Үзәк белгечләре һәм чакырылган кунаклар йогышлы авырулар таралуны кисәтү белән бәйле җитди һәм актуаль мәсьәләләр турында фикер алыштылар.
Аеруча игътибар кискен эчәк инфекцияләренә, кызылчага, туберкулезга, геморрагик лихорадкага һәм талпан энцефалитына бирелде. Бу авырулар халык сәламәтлегенә җитди куркыныч тудыра һәм аларның таралуын булдырмау буенча комплекслы чаралар күрүне таләп итә.
Лекор инфекцияләр йоктыру юллары, симптомнар, диагностика һәм дәвалау ысуллары, шулай ук вакциналаштыру һәм профилактика чараларының мөһимлеге турында җентекләп сөйләде. Шулай ук предприятиеләрдә һәм көнкүрештә санитар-гигиена нормаларын һәм кагыйдәләрен үтәү мәсьәләләре дә күтәрелде.
Мондый чаралар белгечләрнең һөнәри белемнәрен ныгытырга гына түгел, ә халыкта сәламәт яшәү рәвеше культурасын формалаштыруга, профилактика чараларының мөһимлеген аңлауга да ярдәм итә.