«Өмет» үзәге хезмәткәрләре эмоциональ януны кисәтү буенча тренингта катнаштылар

2024 елның 2 апреле, сишәмбе

Биектау районының «Өмет» халыкка социаль хезмәт күрсәтү комплекслы үзәге базасында, эмоциональ яну синдромын кисәтү максатыннан, психолог Алия Нигъмәтҗанова тренинг дәресе үткәрде. Катнашучыларга төркемне берләштерү күнегүләре, шулай ук «Кеше яшәми торган утрау» күнегүе тәкъдим ителде, аның максаты нәтиҗәле аралашу һәм бергәләп эш итү күнекмәләрен үстерү, катнашучыларның үз максатларын һәм кыйммәтләрен аңлау иде.

Мондый чаралар үткәрү учреждение хезмәткәрләренә үз мөнәсәбәтләрен һәм тәртипләрен үзгәртү, эмоциональ ресурсларын арттыру ярдәмендә стресс халәтләренә каршы торырга ярдәм итә.