«Өмет» үзәге белгечләре әти-әниләр белән очрашу үткәрделәр

2024 елның 25 марты, дүшәмбе

Бүген Кайбыч районының «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгечләре «Җылылык бүләк итәм» социаль урам акциясенә кушылдылар.

Районның социаль участокларында белгечләр яшүсмерләрнең әти-әниләре белән очраштылар. Гаиләнең шәхес формалашудагы роленә, яшүсмерне урамның тискәре йогынтысыннан саклауга, аның эчке дөньясын һәм кыйммәт ориентирларын булдыруга аерым игътибар бирелде. Үзәк хезмәткәрләре балаларга тәртип нормаларын аңлату – ата-аналарның төп бурычы, яшүсмерләрнең иминлеге һәм законга буйсынучанлыгы өчен ачкыч булуын искәрттеләр.