«Изгелек» тернәкләндерү үзәгендә өстәл уеннары буенча турнир узды

2024 елның 19 марты, сишәмбе

Яр Чаллы шәһәренең «Изгелек» инвалидларны тернәкләндерү үзәгендә 18 мартта шашка һәм дартс буенча турнир узды. Чарада социаль хезмәтләр алучылар катнашты.

Турнирны «Спорт хәрәкәте» Татарстан Республикасы инвалидларның региональ иҗтимагый оешмасы рәисе Әсхәт Галиев һәм «Динамо» Яр Чаллы шәһәр советы ярдәме белән учреждение белгечләре оештырды.

Чараның максатлары: сәламәт яшәү рәвешен формалаштыру, социаль хезмәтләр алучылар арасында өстәл уеннарын популярлаштыру һәм аларның ялын оештыру.

Турнир җиңүчеләре шәһәр Советы депутаты Илнар Исмәгыйлев исеменнән дипломнар, медальләр, истәлекле бүләкләр алдылар, барлык катнашучыларга татлы призлар тапшырдылар.

Чарада 75 кеше катнашты.