Әлмәттә яшәүче 103 яшьлек ветеран Россия Президентын сайлауда катнашты

2024 елның 18 марты, дүшәмбе

7 мартта 103 яшен тутырган Әлмәтнең иң өлкән кешесе, «Опека» халыкка социаль хезмәт күрсәтү комплекслы үзәгенең өйдә социаль хезмәтләр алучысы, Бөек Ватан сугышы ветераны Людмила Березова Россия Президентын сайлауда катнашты.

Олы яшьтә булуына карамастан, ул агымдагы вакыйгаларга кызыксынуын югалтмый һәм ил тормышында актив катнаша. Людмила Березова – чын патриот һәм зур йөрәкле кеше үрнәге. Аның тормыш юлы батырлык һәм казанышлар белән тулы.

«Опека» үзәге хезмәткәрләре дә сайлауларда катнашты, ләкин сайлаучылар сыйфатында гына түгел. Алар күзәтүчеләр, волонтерлар, участок сайлау комиссиясе рәисләре һәм әгъзалары санына керделәр.