Югары Ослан интернат-йортында бәйрәм чарасы
Район мәдәният йортының үзешчән сәнгатендә катнашучылар Югары Ослан өлкәннәр һәм инвалидлар өчен интернат-йортында яшәүчеләргә Яңа ел бәйрәме бүләк иттеләр.
Программаны алып баручы, «Волжанка» ветераннар хоры җитәкчесе Миңлегөл Шәйдуллина, Камил Тимербаев һәм Евгений Алексеев баян астында социаль хезмәтләр алучыларның яраткан җырларын башкардылар. Олы яшьтәге кешеләр артистларга рәхәтләнеп кушылдылар. Шулай ук конкурс үткәрделәр – җиңү өчен бәйрәмдә катнашучы һәркем карнавал атрибуты һәм бүләкләр алды.
Һәркем яраткан биюләр һәм истәлеккә фотога төшү дә булды.
Белгеч Наталья Котова билгеләп үткәнчә, мондый бәйрәмнәр интернат-йортта ел саен үткәрелә. Бәйрәмнәрне үткәрүдә мәдәният йортыннан һәм район ветераннар советыннан социаль партнерлар да катнаша, алар белән хезмәттәшлек турында килешүләр төзелгән.